Jess Varkey Thuruthel മണിമാണികയുടെ സുരക്ഷിതത്വത്തിലിരുന്ന് പരിസ്ഥിതിക്കു വേണ്ടി ഘോരഘോരം പ്രസംഗിക്കുകയാണ് ചിലര്‍ സോഷ്യല്‍ മീഡിയയിലെമ്പാടും (The real hazards). ഇവരോടൊരു ചോദ്യം. ഒരു ചെറിയ കുടുംബത്തിനു താമസിക്കാന്‍ ആവശ്യമുള്ളതിലും അനേകവലിപ്പമുള്ള വീടാണോ നിങ്ങള്‍ നിര്‍മ്മിച്ചിരിക്കുന്നത്? നിങ്ങളുടെ വീടിന്റെ അടിത്തറയുണ്ടാക്കിയിരിക്കുന്നത് കരിങ്കല്ലുകൊണ്ടാണോ? നിങ്ങളുടെ വീടു വാര്‍ക്കാന്‍ മെറ്റല്‍ ഉപയോഗിച്ചിട്ടുണ്ടോ? അങ്ങനെയെങ്കില്‍ പരിസ്ഥിതിക്കു വേണ്ടി വാദിക്കാന്‍ നിങ്ങള്‍ക്ക് എന്താണ് അവകാശം? ഏതെങ്കിലുമൊരു പാറമടയില്‍ നിന്നും പൊട്ടിച്ചെടുത്ത കരിങ്കല്ലുകളാണ് നിങ്ങളുടെ വീടിന്റെയും ആധാരം. മൂന്നോ നാലോ പേര്‍ അടങ്ങുന്ന കുടുംബാംഗങ്ങള്‍ക്കു…