കുട്ടിക്കുറ്റവാളികള്‍ക്ക് എന്തിനീ നിയമപരിരക്ഷ?

Thamasoma News Desk

ഒരു പെണ്‍കുട്ടിയെ ബലാത്സംഗം ചെയ്യാന്‍ കഴിയുന്ന ഏതൊരു വ്യക്തിയും ബലാത്സംഗത്തിനുള്ള ശിക്ഷയും നേരിടാന്‍ പ്രാപ്തനാണ്. 18 വയസ്സ് തികഞ്ഞില്ല എന്ന ഒറ്റക്കാരണത്താല്‍ ആ വ്യക്തിക്ക് യാതൊരു തരത്തിലും ഇളവു നല്‍കേണ്ടതില്ല (Juvenile Justice). ഡല്‍ഹിയില്‍ നിര്‍ഭയയെ കൂട്ടബലാത്സംഗം ചെയ്ത് ഓടുന്ന ബസില്‍ നിന്ന് തള്ളിയിട്ടപ്പോള്‍, ‘ഏറ്റവും ക്രൂരമായ’ പെരുമാറ്റം ഒരു കൗമാരക്കാരന്റേതായിരുന്നു. പക്ഷേ, അവന് ലഭിച്ചതാകട്ടെ, ജുവനൈല്‍ ജസ്റ്റിസ് ആക്ട് പ്രകാരം മൂന്ന് വര്‍ഷം തടവ്! ഈയടുത്തകാലത്ത്, പൂനെയില്‍, 18 വയസ്സ് തികയാത്ത ഒരു ആണ്‍കുട്ടി പബ്ബില്‍ നിന്നും മദ്യപിച്ച്, നമ്പര്‍ പ്ലേറ്റില്ലാത്ത പുതുപുത്തന്‍ പോര്‍ഷെ കാര്‍ അതിവേഗത്തില്‍ ഓടിച്ച് ബൈക്ക് യാത്രികരായ രണ്ടുപേരെ കൊന്നു! ഈ കൗമാരക്കാരനും കിട്ടുന്നു നിയമത്തിന്റെ പരിരക്ഷ!! മദ്യപിച്ച് വാഹനമോടിച്ച് രണ്ട് പേരെ കൊല്ലാന്‍ കഴിയുന്ന ഒരാള്‍ക്ക് എന്തിനാണ് ഇത്തരത്തില്‍ നിയമ പരിരക്ഷ നല്‍കുന്നത്?

രണ്ടു നിരപരാധികളെ കൊന്നുതള്ളിയ അവന് ജാമ്യം ലഭിക്കാനായി അധികാരികള്‍ നല്‍കിയ വ്യവസ്ഥ ഇതാണ്. റോഡ് സുരക്ഷയെക്കുറിച്ച് 300 വാക്കുകളുള്ള ഉപന്യാസം എഴുതണം, രണ്ടാഴ്ചത്തേക്ക് ട്രാഫിക് പോലീസിനെ സഹായിക്കണം. ആരെ ബോധിപ്പിക്കാനാണ് ഇത്തരത്തില്‍ ജാമ്യവ്യവസ്ഥ നല്‍കുന്നത്?? ജയിലിലേക്കോ അല്ലെങ്കില്‍ ഒരു തിരുത്തല്‍ കേന്ദ്രത്തിലേക്കോ അയക്കേണ്ടതിനു പകരമാണ് നിയമം പാലിക്കുന്ന മനുഷ്യരെ അപഹസിക്കും വിധമുള്ള ഈ ജാമ്യവ്യവസ്ഥ.

അന്ന് ഈ കൗമാരക്കാരനും കൂട്ടുകാരും ആഘോഷിക്കാനായി പോയത് രണ്ടു പബിലായിരുന്നു. അതില്‍ ഒരു പബിലെ തന്നെ ബില്‍ 48,000 രൂപയായിരുന്നു. അതായത്, 90 മിനിറ്റില്‍ അവന്‍ മദ്യത്തിനായി ചെലവാക്കിയ കാശിന്റെ കണക്കാണിത്. മദ്യപിച്ചിരുന്നുവെന്ന് തെളിവുകളോടെ കണ്ടെത്തിയിട്ടും ഇവരെ മദ്യപരിശോധനയ്ക്കു വിധേയനാക്കിയില്ല. എന്നു മാത്രമല്ല, പോലീസ് കസ്റ്റഡിയില്‍ ആയിരിക്കുമ്പോള്‍ ഇവന് പിസയും വാഗ്ദാനം ചെയ്തു. മനപ്പൂര്‍വ്വമല്ലാത്ത നരഹത്യ കുറ്റം ചുമത്തി ജയിലിലടയ്‌ക്കേണ്ടതിനു പകരം അലക്ഷ്യമായി വാഹനമോടിച്ചു എന്ന കുറ്റമാണ് ഇയാള്‍ക്കെതിരെ ചുമത്തിയത്. 25 വയസ്സിന് താഴെയുള്ള ആര്‍ക്കും മദ്യം വിളമ്പാന്‍ പാടില്ല എന്ന നിയമമുള്ള നാടാണിത്. പ്രായപൂര്‍ത്തിയാകാത്തവര്‍ വാഹനമോടിച്ചാല്‍ മാതാപിതാക്കളെ ജയിലിലടയ്ക്കാന്‍ നിയമമുള്ള നാട്. എന്തായാലും മകന് വാഹനം നല്‍കിയ സമ്പന്നനായ റിയല്‍ എസ്റ്റേറ്റ് ഉടമയായ പിതാവിനെയും പബ്ബിന്റെ ഉടമയെയും മാനേജരെയും പൂനെ പോലീസ് അറസ്റ്റു ചെയ്തു, വലിയ കാര്യം തന്നെ. ഈ സംഭവത്തില്‍ പോലീസ് സ്വീകരിച്ച ഒരേയൊരു വിവേകപൂര്‍ണ്ണമായ നടപടി ഇതായിരുന്നു.

പോലീസിന് മുകളില്‍ നിന്നും പ്രഷറുണ്ട്. കുറ്റവാളി അതിസമ്പന്നന്റെ മകനാണ്. അതിനാല്‍, ആ കുട്ടിക്കുറ്റവാളിയോട് അങ്ങേയറ്റം മൃദുവായ പെരുമാറ്റമാണ് ഉണ്ടായതെന്നാണ് പൊതുധാരണ. കൊല്ലപ്പെട്ട രണ്ട് എഞ്ചിനീയര്‍മാരുടെ ബന്ധുക്കള്‍ക്ക് നീതി നടപ്പാക്കുന്നതിനു പകരം പോലീസ് ചെയ്തത് പ്രതിയെ സംരക്ഷിക്കാനാണ് എന്നാണ് സൂചന. ഇത്തരം ക്രിമിനല്‍ കുറ്റങ്ങള്‍ ചെയ്യുന്നവരെ പ്രായപൂര്‍ത്തിയായ ഒരാളായി പരിഗണിച്ചേ തീരൂ. അതിനായി ബാലനീതി നിയമം ഭേദഗതി ചെയ്യണമെന്ന ശക്തമായ വാദം നിലവിലുണ്ട്. പ്രായപൂര്‍ത്തിയാകാത്ത ഒരാള്‍ക്ക് ക്രൂരമായ കുറ്റകൃത്യം ചെയ്യാന്‍ കഴിയുമെങ്കില്‍, അവനു ലഭിക്കുന്ന ശിക്ഷയും ശക്തമായിരിക്കണം. 18 വയസ്സിന് ഒരു ദിവസമോ ഏതാനും മാസങ്ങളോ കുറവുള്ള ഒരാള്‍ക്ക് ശിക്ഷയില്‍ നിന്ന് രക്ഷപ്പെടാന്‍ ബാലനീതി വാദം ഉപയോഗിക്കാന്‍ കഴിയില്ല. 1999-ല്‍ ഡല്‍ഹിയില്‍ ആറുപേരെ വെട്ടിക്കൊന്ന ബിഎംഡബ്ല്യു കേസിലെ പോലെ സമ്പന്നരായ കുട്ടികള്‍ ഹിറ്റ് ആന്‍ഡ് റണ്‍ കേസുകളില്‍ ഉള്‍പ്പെടുന്നിടത്ത്, സംവിധാനത്തിലെ പഴുതുകള്‍ മുതലെടുക്കാന്‍ അവര്‍ക്ക് കഴിയുന്നു എന്നത് വേദനാജനകമായ വസ്തുതയാണ്. അങ്ങനെയാണ് മുന്‍ നാവികസേനാ മേധാവിയുടെ ചെറുമകനും ആയുധവ്യാപാരിയുടെ മകനുമായ സഞ്ജീവ് നന്ദയ്ക്ക് കാലാവധി തികയാതെ ജയിലില്‍ നിന്ന് പുറത്തുവരാന്‍ കഴിഞ്ഞത്. ആറുപേരെ കൊന്നത് ബിഎംഡബ്ല്യു കാറല്ല, ട്രക്ക് ആണെന്ന് പറഞ്ഞപ്പോള്‍ ദൃക്സാക്ഷികളിലൊരാള്‍ കൂറുമാറി. വാസ്തവത്തില്‍, ഭൂരിഭാഗം സാക്ഷികളെയും പ്രതികള്‍ വിലക്കെടുത്തു.

മുംബൈയില്‍, നടപ്പാതയില്‍ ഉറങ്ങുന്നയാളുടെ മുകളിലൂടെ വാഹനമോടിച്ചു കൊലപ്പെടുത്തിയ പ്രശസ്ത സിനിമാതാരത്തെ് സംശയത്തിന്റെ ആനുകൂല്യം നല്‍കി വിട്ടയച്ചു, പക്ഷേ കീഴ്ക്കോടതി ഇയാള്‍ക്ക് കടുത്ത ശിക്ഷയാണ് നല്‍കിയത്. ടെലിവിഷന്‍ ജേണലിസ്റ്റ് സൗമ്യ വിശ്വനാഥന്റെ കേസില്‍ കൊലപാതകക്കുറ്റത്തിന് ശിക്ഷിക്കപ്പെട്ട് ജീവപര്യന്തം തടവിന് ശിക്ഷിക്കപ്പെട്ട പ്രതികളെ വിധിക്കെതിരായ അപ്പീല്‍ തീര്‍പ്പാക്കുന്നതുവരെ ജാമ്യത്തില്‍ വിട്ടയച്ചു. ഈ കേസില്‍ ശിക്ഷിക്കപ്പെട്ടവരില്‍ മൂന്ന് പേര്‍ ഇതിനകം മറ്റൊരു കൊലപാതക കേസില്‍ വിചാരണ നേരിടുന്നതിനാല്‍ ജയിലില്‍ കഴിഞ്ഞിരുന്നു. അവര്‍ തീര്‍ച്ചയായും വാടക കൊലയാളികളായിരുന്നു. സൗമ്യയുടെ കൊലപാതകത്തിന് പിന്നില്‍ വാടകക്കൊലയാളികളെ സഹായിക്കുന്നവരാണ്. ഈ കേസുകളിലെല്ലാം സാധാരണമായത്, കുറ്റവാളികള്‍ ഒന്നുകില്‍ പണക്കാരോ പണക്കാരുടെ പിന്തുണയോ ഉള്ളവരാണ് എന്നതാണ്. കുറ്റവാളിയായ മകനെ തന്റെ പുതിയ കാര്‍ ഓടിക്കാന്‍ അനുവദിച്ചപ്പോള്‍ സാമൂഹിക പ്രതിബദ്ധത കാണിക്കാത്ത പിതാവും കടുത്ത ശിക്ഷ അര്‍ഹിക്കുന്നു. ജനവാസ മേഖലകളില്‍ പുലര്‍ച്ചെ 1.30 വരെ മദ്യം വിളമ്പാന്‍ പബ്ബുകള്‍ക്ക് അനുമതി നല്‍കുന്നത് പൂനെയില്‍ കുറ്റകൃത്യങ്ങള്‍ അനുവദിക്കുന്നതിന് തുല്യമാണ്.

വാര്‍ത്തകള്‍ക്കും പരസ്യങ്ങള്‍ക്കും വിളിക്കേണ്ട നമ്പര്‍
എഡിറ്റര്‍: 8921990170, editor@thamasoma.com

തമസോമ ന്യൂസിന്റെ ഔദ്യോഗിക വാട്സ്ആപ്പ് ചാനലില്‍ അംഗമാകാന്‍ ലിങ്കില്‍ ക്ലിക്ക് ചെയ്യൂ :
https://whatsapp.com/channel/0029Va8AepO0bIduqnOKHH47