Thamasoma News Desk
‘സമൂഹത്തില്‍ സ്ത്രീകളും കുട്ടികലും നിരന്തരം അക്രമങ്ങള്‍ക്ക് ഇരയാവുകയാണ്. ഇതിനു തടയിടാനായി കരാട്ടെ പോലുള്ള ആയോധനകലകള്‍ (martial arts) വളരെ സഹായകമാണ്. അഭ്യാസമുറകള്‍ പരിശീലിച്ചവര്‍ക്ക് അതിക്രമങ്ങളെ വളരെ മികച്ച രീതിയില്‍ പ്രതിരോധിക്കാന്‍ കഴിയും,’ മൂവാറ്റുപുഴ പോലീസ് സ്റ്റേഷന്‍ ട്രാഫിക് എന്‍ഫോഴ്സ്മെന്റ് യൂണിറ്റിലെ സബ് ഇന്‍സ്പെക്ടര്‍ ഓഫ് പോലീസ് സിദ്ധീഖ് കെ.പി പറഞ്ഞു. കനേഡിയന്‍ സെന്‍ട്രല്‍ സ്‌കൂള്‍, കാരക്കുന്നത്തിന്റെ ആഭിമുഖ്യത്തില്‍ സ്‌കൂളിലെ കരാട്ടെ പരിശീലിക്കുന്ന കായിക താരങ്ങളുടെ കളര്‍ ബെല്‍റ്റ് അവാര്‍ഡ് ദാനവും, സര്‍ട്ടിഫിക്കറ്റ് വിതരണവും ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം.
സ്‌കൂള്‍ ആഡിറ്റോറിയത്തില്‍ നടന്ന കളര്‍ ബെല്‍റ്റ് ഗ്രേഡിംഗ് ടെസ്റ്റ് പാസ്സായ കുട്ടികളുടെ ബെല്‍റ്റ് അവാര്‍ഡ് ദാനം ജപ്പാന്‍ കരാട്ടെ സെന്ററിന്റെ ടെക്‌നിക്കല്‍ ഡയറക്ടര്‍ ജോയി പോള്‍ നിര്‍വഹിച്ചു. അവാര്‍ഡ് ദാന ചടങ്ങില്‍ സ്‌കൂള്‍ പ്രിന്‍സിപ്പള്‍ ബിനീഷ് കെ മേനോന്‍ അധ്യക്ഷത വഹിച്ചു. സ്‌കൂള്‍ വൈസ് പ്രിന്‍സിപ്പല്‍ ബബിത എസ് നെല്ലിക്കല്‍ സന്ദേശം നല്‍കി. പി.റ്റി.എ പ്രസിഡന്റ് ഡോ. അലി ഒ പി, ആന്‍മരിയ ആഷ്‌ലി എന്നിവര്‍ ചടങ്ങുകള്‍ക്ക് നേതൃത്വം നല്‍കി. ശ്രീഹരി എം.ആര്‍ സ്വാഗതവും എഡ്വിനൊ എല്‍ദൊ കൃതജ്ഞതയും പറഞ്ഞു.
…………………………………………………………………………
തമസോമ ന്യൂസിന്റെ ഔദ്യോഗിക വാട്സ്ആപ്പ് ചാനലില്‍ അംഗമാകാന്‍ ലിങ്കില്‍ ക്ലിക്ക് ചെയ്യൂ :
https://whatsapp.com/channel/0029Va8AepO0bIduqnOKHH47
FB Page: https://www.facebook.com/MalayalamNews
Instagram: https://www.instagram.com/jessvarkey/?hl=en
Twitter: https://x.com/jessvarkey1975
