മരിച്ച പി ടി ജീവിച്ചിരുന്ന പി ടിയെക്കാള് ശക്തന്; അതിനാല് ഉമയുടെ വിജയം സുനിശ്ചിതം
കേരള രാഷ്ട്രീയത്തില് തന്റേടത്തിന്റെയും വിമര്ശനത്തിന്റെയും നിര്ഭയത്തിന്റെയും പ്രതീകമായിരുന്ന പി ടി തോമസ് എന്ന കോണ്ഗ്രസ് നേതാവ് അദ്ദേഹത്തിന്റെ രാഷ്ട്രീയ പാര്ട്ടിയില്ത്തന്നെ അനഭിമതനായിരുന്നു. സ്വന്തം പാര്ട്ടിയില് നിന്നു പോലും അതിശക്തമായ എതിര്പ്പുകള് ഉണ്ടായപ്പോഴും നിലപാടിലെ കാര്ക്കശ്യത്തില് തെല്ലിട പോലും മാറ്റം വരുത്താന് അദ്ദേഹം തയ്യാറല്ലായിരുന്നു. സര്ക്കാരിനെതിരെ നടത്തിയ ആക്രമണങ്ങളും പാര്ട്ടിക്കകത്ത് നടത്തിയ വിമര്ശനങ്ങളും അദ്ദേഹത്തെ കൂട്ടത്തില് നിന്നും ഒറ്റപ്പെടുത്തിയപ്പോഴും താനടിയുറച്ചു വിശ്വസിച്ച നിലപാടില് ഒരല്പ്പം പോലും വെള്ളം ചേര്ക്കാന് അദ്ദേഹം തയ്യാറായില്ല. തെരഞ്ഞെടുപ്പടുക്കുമ്പോള് മാറ്റി നിറുത്താവുന്നതല്ല സ്വന്തം നിലപാടുകളെന്ന്…