തമസോമ | Thamasoma

 ചില ബന്ധങ്ങള്‍ ഒരു നിയോഗം പോലെ വന്നു ചേരുന്നവയാണ്. വീട്ടില്‍ അടച്ചുപൂട്ടിയിരുന്നാലും അങ്ങനെ ചിലതു സംഭവിക്കും. ഊന്നുകല്‍ മൃഗാശുപത്രിയിലെ ഡോക്ടര്‍ രാജേശ്വരിയുമായുള്ള ബന്ധവും അത്തരത്തില്‍ ഒന്നായിരുന്നു. തിരക്കിട്ട് ജോലികള്‍ ചെയ്തു തീര്‍ക്കുന്നതിനിടയിലാണ് ആധിപൂണ്ട മനസും കണ്ണുകളില്‍ നീര്‍ച്ചാലുകളുമായി ആ അയല്‍വാസിയെത്തിയത്. പ്രസവിക്കാന്‍ ഒരു മാസം കൂടി ബാക്കിനില്‍ക്കേ, എന്തോ കാരണവശാല്‍ വീണുപോയൊരാടിനെ രക്ഷപ്പെടുത്തുവാനുള്ള ശ്രമങ്ങളിലേക്ക് ഇറങ്ങിച്ചെല്ലുകയായിരുന്നു അന്നു ഞാന്‍. പക്ഷേ, അത്യാസന്നനിലയിലായിരുന്ന ആ ആടിനെ എത്രയും വേഗം ആശുപത്രിയിലെത്തിക്കുന്നതിനു പകരം ഡോക്ടറെ വീട്ടിലേക്കു വിളിച്ചുവരുത്തുകയായിരുന്നു അവര്‍. ഒരുപക്ഷേ,…