തലയിലെയാ തുണിക്കീറു മാറ്റേണ്ടത് കാവിക്കോണകം കൊണ്ടല്ല….!
മഹത്വവത്ക്കരിക്കപ്പെടുന്ന ചില അടിമത്തങ്ങളുണ്ട്. സ്വന്തം കാലില്‍ നില്‍ക്കാനും സ്വയമേവ കാര്യങ്ങള്‍ തീരുമാനിക്കാനും നടപ്പിലാക്കാനും ഇഷ്ടമില്ലാത്തവരും കഴിവില്ലാത്തവരും സ്വീകരിക്കുന്ന എളുപ്പമാര്‍ഗ്ഗം. സ്വന്തം കഴിവുപയോഗപ്പെടുത്താതെ പരാന്നഭോജിയായി ജീവിക്കുന്ന മനുഷ്യരുടെ ആശ്രയമാണത്.ഈ പരാന്ന ഭോജനം അവസാനിപ്പിക്കുന്നതിനും സ്വന്തം കാലില്‍ നില്‍ക്കാനും അധ്വാനിച്ചു ജീവിക്കാനും അവരവരുടെ കഴിവിനു ചേര്‍ന്ന ജീവിത സാഹചര്യങ്ങള്‍ നേടിയെടുക്കുന്നതിനുമാണ് ഓരോ വ്യക്തിയും വിദ്യാഭ്യാസം ചെയ്യുന്നത്. മനുഷ്യമനസിന്റെ ഇരുട്ടകറ്റാനുള്ളതാണ് വിദ്യാഭ്യാസം. അതു നേടിയെടുക്കുന്നതോടെ ആരെല്ലാമാണ് തങ്ങളെ ചൂഷണം ചെയ്യുന്നതെന്നും അതിനെ പ്രതിരോധിക്കാനും അന്തസോടെ അഭിമാനത്തോടെ ഈ ഭൂമിയില്‍ ജീവിക്കാനും ഓരോ…