ശബ്ദിച്ചാല്‍ സ്വയം പൊട്ടിത്തകരുമെങ്കില്‍, നാവിന്റെ തളര്‍വ്വാതം അനുഗ്രഹം
Zachariah & Jess Varkey മലയാള സിനിമയിലെ (Malayalam Cinema) സൂപ്പര്‍ താരങ്ങള്‍ക്ക് ഒരു പ്രത്യേകതരം രോഗം ബാധിച്ചിരിക്കുകയാണ്. സ്‌ക്രീനിലെ ഗര്‍ജ്ജിക്കുന്ന സിംഹങ്ങളുടെ നാവുകള്‍ക്ക് തളര്‍വ്വാതം പിടിപെട്ടിരിക്കുകയാണ്, കണ്ണുകള്‍ക്ക് കാഴ്ച ശക്തിയോ ചെവികള്‍ക്കു കേള്‍വി ശക്തിയോ ഇല്ല. പുരുഷാധിപത്യത്തിന്റെയും മാടമ്പിത്തരത്തിന്റെയും തമ്പ്രാക്കന്മാര്‍ ഇത്തരത്തില്‍ ആവാതെയും തരമില്ല. കാരണം, ഡയലോഗ് ലഭിക്കുമ്പോള്‍ മാത്രം ഉണര്‍ത്തെഴുന്നേല്‍ക്കുന്ന പ്രത്യേകതരം അവതാര പുരുഷന്മാരുടെ കൂടാരമാണ് സിനിമാരംഗം. കണ്ണിന്‍ മുന്നില്‍ നടക്കുന്ന ഏതെങ്കിലുമൊരു കുറ്റകൃത്യം തടയാന്‍ ശ്രമിക്കുകയോ യഥാസമയം നിയമ സംവിധാനങ്ങളെ അറിയിക്കുകയോ ചെയ്യാതിരിക്കുന്നത്…
