മൂട്ടില്‍ തീയാളുമ്പോഴും കോണ്‍ഗ്രസിനെ അലട്ടുന്നത് കെ വി തോമസിനെപ്പോലുള്ള പാഴ്മരങ്ങളുടെ പലായനം
ഇന്ത്യ ഇന്നു നേരിടുന്ന ഏറ്റവും വലിയ പ്രശ്നം ബി ജെ പി സര്‍ക്കാരിന്റെ കീഴിലുള്ള, നരേന്ദ്ര മോദി നയിക്കുന്ന വിഷലിപ്ത വെറുപ്പിന്റെ കോര്‍പ്പറേറ്റ് രാഷ്ട്രീയമല്ല, മറിച്ച്, ഇവയ്ക്കൊന്നും തടയിടാന്‍ തക്ക ശേഷിയുള്ളൊരു പ്രതിപക്ഷമില്ല എന്ന പരമ ദയനീയമായൊരു അവസ്ഥയാണ്. ഭരണപക്ഷത്തിന്റെ ശക്തിയിലോ കഴിവിലോ അല്ല ഒരു രാജ്യത്തിന്റെ നിലനില്‍പ്പ്. മറിച്ച്, തെറ്റിനെ എതിര്‍ക്കാനുള്ള പ്രതിപക്ഷത്തിന്റെ കരളുറപ്പിലാണ്. പക്ഷേ, ഇന്ത്യയിലിപ്പോള്‍ പ്രതിപക്ഷമെന്നൊരു പക്ഷമേ ഇല്ലാത്ത അവസ്ഥയിലെത്തിയിട്ട് വര്‍ഷങ്ങളായി. ഇന്ത്യന്‍ ജനത ഇപ്പോള്‍ അനുഭവിക്കുന്ന ദുരിത പൂര്‍ണ്ണ ജീവിതത്തിനു കാരണം…